Загас тэжээх сайхан болов ч жаахан төвөгтэй нэг асуудал байдаг нь загасныхаа аквариумыг цэвэрлэж, усыг нь солих гэх мэт асуудлууд юм. Харин Британи улсын залуу зохион бүтээгч | Suzy Shelley |Хэзээч аквариумаа цэвэрлэж, ус эсвэл шүүлтүүрийг нь солих шаардлагагүй аквариум бүтээсэн байна. 15 литрийн багтаамжтай Avo нэртэй энэхүү танкны загас, ургамал, бактери нь нэгдэж, тэнцвэртэй микро эко-системийг бүрдүүлдэг аж. Танкны анхны загвар 18 сарын турш цэвэрлээгүй байхад ч загас болон ургамал нь эрүүл, ус нь цэвэрхэн байснаар батлагдсан юм. Avo нь автомат LED гэрэлтүүлэгтэй ба энэ нь аквариум доторх ургамлын фотосинтез болон ургалтанд нөлөөлж, усыг цэвэр, эрүүл байхад дэмжлэг үзүүлдэг байна. Түүнчлэн өглөөд зөөлөн улаан, өдрийн цагаар цагаан, оройд хөх өнгөтэй болдог учир харахад гоёмсог харагдуулдаг. Suzy-гийн хувьд энэ шинэ бүтээлээ үйлдвэрлэх санхүүжилтыг олохоор Kickstarter дээр санхүүжилтийн компанит ажлыг явуулж байгаа юм байна.
0 comments:
Post a Comment